San Pablo, Zamboanga del Sur – Dead on the spot ang 23 anyos nga mananagat human gipusil alas 6:00 kagabii didtong dapita sa Samal Beach, Brgy. Ticala Island, San Pablo, Zamboanga del Sur.
Giila ang biktima nga si Yuniel Pakil, 23 anyos, minyo ug residente sa purok Talisay, Brgy. Ticala sakop sa nahisgutan nga lungsod.
Sa inisyal nga imbestigasyon sa San Pablo MPS, nasayran nga samtang pauli na ang biktima sakay sa iyang pump boat gikan nanagat gisundan kini sa wala maila nga responsable sakay sa laing nga pump boat og walay langan nga gipusil sa makadaghan nga higayon gamit ang wala matino nga kalibre sa armas.
Nakahiagom ang biktima sa daghanang samad sa lawas nga maoy hinungdan sa iyang hinanali nga kamatayon, naglusad na og follow-up operation ang kapulisan alang sa posible nga pag-ila sa mga mamumuno.
