Roxas City, Capiz – Patay ang 23 – anyos nga lalaki matapos nga aksidente ini nga nadisgrasya samtang nagamaneho sang motorsiklo sa national highway sa Barangay Ilaya-Ivisan, Ivisan, Capiz.
Ginkilala ang biktima kay John Rey Capay Distura, residente sa Barangay Parian, Sigma, Capiz nga nag-angkon sang patal nga kapilasan sa iya ulo kabangdanan sang kamatayon sini.
Suno sa inisyal nga imbestigasyon, halin sa birthday party ang amo nga biktima kag pauli na sa ila poluy – an sang wala sini makontrol ang manibela sang motorsiklo kag nabunggo sa concrete barrier sa higad sang karsada.
Gindala pa ini sa Roxas Memorial Provincial Hospital (RMPH) apang makaligad ang pila ka oras nga pagbulong, ginbawian gid sang kabuhi ang amo nga biktima.
Facebook Comments
