Aurora, Zamboanga del Sur – Gidagit sa armadong kalalakin-an ang 23-anyos nga lalaki didto sa Purok 1, Barangay Endroad, lungsod sa Aurora ning probinsya sa Zamboanga Del Sur niadtong domingo sa gabii.
Giila ang biktima nga si Jimbert Maglangit, nga nag-atubang sa kasong pagpanlugos kun rape.
Sigon sa inahan nga biktima nga si Urbana, maoy pagawas sa ilang balay ang iyang anaka human nitan-aw og salida sa telebisyon dihang kalit nga niabot ang lima ka armadong mga lalaki.
Dihang nakasulod ang suspek sa ilang gipuy-an giti-unan sila og armas ug gigapos lakip ang iyang mister nga si Alberto Maglangit.
Dako ang pagtoo ni Alberto, nga may kalabutan sa kasong giatubang sa iyang anak ang pagdagit niini.
Gireklako matud pa ang iyang anak sa kasong rape gumikan sa alegasyong nga gilugos niini ang iyang hinigugma nga menor de edad niadtong bulan sa Setyembre.
Sa interview sa RMN-Pagadian kang Aurora Municipal Police Station OIC Chief Police Major Jamar Gumampang Tagayan, angpadayon ang ilang gihimong follow-up operation labot sa insidente.
Anaa na silay gitudlo nga person of interest kini ang pamilya sa babayeng menor de edad nga maoy nisang-at og kasong rape kang Jimbert.
Panawagan sa hepe ngadto sa mga suspek nga isalig lang sa otoridad ang pagkab-ot sa hustisya.
[1]
Links: —— [1] shar.es/a30D40?fbclid=IwAR3a0iBX4V4iSiHSwIJpdhOGR2xU1xB5IcudKMlrxyoMVRtjcy1qzgrcUi8
