Davao City- Daling gidala sa balay tambalanan ang usa ka lalaki human gipusil sa riding-in-tandem sa may Digos Elementary School.
Giila ang biktima nga si Junard Carlos, residente sa Purok Chico Jumao-As Street, syudad sa Digos.
Base sa report sa kapulisan, sa dihang naabot ang biktima sa nasangpit nga skwelahan gikan nagsakay sa pampasaheroang trisikad, giduol sumala pa kini sa usa ka suspek sakay sa usa ka motorsiklo ug gipusil ang biktima sa ikatulong higayun igo sa toong bahin sa kamot niini.
Daling misibat ang mga suspek sa wala matino nga direksyon.
Sa karon, padayon nagpaayo sa ospital ang biktima samtang naglusad na og imbestigasyon ang Digos PNP sa maong insidente aron masuta ang motibo sa pagpamusil ug mailhan ug madakpan ang mga suspetsado.
RadyoMaN Paul Canono
