General Santos City—patay ang usa ka 24 anyos nga lalaki human kining gidunggab sa iyang bayaw sulod sa Compound sa Lorenzo Stock Farmnga nahimutang sa Purok Matatag, Barangay Baluan ning syudad.
Ang biktima nailhang si Rennie Calayon, 24, laborer sa Lorenzo Stock farm ug Residenti sa Prk. 10, Barangay Poblacion Tupi, South Cotabato. Samtang ang suspek giila ng asi Abdul Dalusay Malatabon, 32, laborer sa maong Farm ug residenti sa Barangay upo, Maitum, Sarangani Province.
Sa inisyalnga imbistigasyon sa Lagao Police Station nasuta nga alas 9:00 ang takna sa buntag niadtong Martes, Mayo 16, 2017 dihang mireport ang gwardyang si Ariel Cataluña Bilanes, 31, security guard sa Lorenzo Stock Farm sa Police Station 3 human nakaplagan ang patayng lawas sa biktima nga nag buy-od na sa sagbutan nga bahin sa maong lugar.
Usa ka Jomar malatabon Balandan maoy nakakita sa patayng lawas sa biktima nga nagbuy-od na sa sagbutan nga mahin sa manggahan kansa dunay samad dinunggaban sa dughan nga hinungdan sa iyang kamatayon.
Sumala ni Jomar Malatabon, usa usab ka empleyado sa maong farm ang nag sulti nga responsabli sa krimen mao si Abdul Dalusay Malatabon human kining mibiya sa lugar ang alas 2:58 ang takna sa kabuntagon uban sa iyang pamilya. Gikumperma usab kini sa suspek ngadto kaniya pinaagi sa Txt Message.
Samtang pila ka oras ang nakalabay, misurender ngadto sa mga opisyal sa Barangay ang suspek nga si Abdul aron tubagon ang salaod nga iyang nahimo. Diha diha dayon, nahidangat ang kapulisan sa Malungon aron nga kuhaon ang suspek.
Didto na niini gisaysay ang tinuoray nga nahitabo nganong nahimo niini ang pagpusil. Sumala sa suspek nga gisuwayan sa paglugos sa biktima ang iyang asawa sulod mismo sa lawak nga ilang gipuy-an sulod sa Farm.
Gikan matud pa siya sa trabaho dihang pag abot niini sa ilang gipuy-an, ala 1:00 ang takna sa kaadlawon dihang iyang nadunggan nga naghilak ang iyang asawa, pagsipa niini sa pultahan, didto niini nakit-an nga nakabuho na ang iyang asawa samtang gitabonan ug panapton ang iyang baba.
Nakadagana ng biktima ug iyang gigukod, iya kining naabtan sa manggahan ug didto na niini gidunggab nga hinungdan sa iyang kamatayon.
Sila misibat gilayon aron nga mabutang sa safety ang iyang mga anak ug asawa, human nga iyang naplastar ang iyang pamilya, didto na kini misurender sa ilang opisyal sa Barangay aron tubagon ang salaod nga iyang nahimo.
Sa karon ginahikay na ang pagpasang-at ug kaso batok sa suspetsado.
