24 – anyos nga construction worker nga nagabaligya sang indi lisensyado nga pusil, dakop sa entrapment operation sang mga katapo sang CIDG-Capiz!

Roxas City, Capiz – Arestado sang mga katapo sang CIDG – Capiz Provincial Office ang 24-anyos nga construction worker nga nagabaligya sang indi lisensyado nga pusil sa Sitio Kabulakan, Barangay Cogon, Roxas City.
Wala na makapalag pa sang ginpaidalom sa entrapment operation ang subject nga ginkilala kay Joseph Apa-ap y Cristobal, residente sang Barangay Tanque, Roxas City.
Natigayon nga marekober sa iya paghinakop ang isa(1) ka unit sang 12-gauge homemade shotgun, isa(1) ka magazine, duha(2) ka bala lakip ang 100 pesos nga buy bust money kag 4, 900 pesos nga boodle money.
Hugot naman nga ginpanginwala sang amo nga persona nga ini ang nagabaligya sang pusil nga indi lisensyado.
Natalana nga pasakaan sang kaso nga paglapas sa RA 10591 ukon Comprehensive Firearms and Ammunition Regulation Act ang nahinambitan nga persona.

Facebook Comments