Panay, Capiz – Patay ang 24-anyos nga kolektor matapos nga nadisgrasya ang ginasakyan sini nga motorsiklo alas 9:55 sang gab-i, sang nagligad nga adlaw sang Domingo sa Brgy. Anhawon, Panay, Capiz.
Ginkilala ang biktima kay Reynaldo Laguardia sang Barangay Tacas, Pontevedra, Capiz. Nag-angkon sang patal nga pilas sa iya ulo ang biktima matapos nga nag-igo ang ginamaneho sini nga motorsiklo sa isa flower pot nga yara sa kilid sang dalan.
Nahibaluan nga nagikan sa syudad sang Roxas ang nasambit nga biktima kag buot na kun tani nga magpauli sa ila poluy-an apang pag-abot sa amo nga lugar, wala sini makontrol ang manibela sang ginadala nga motorsiklo rasun nga nadisgrasya ini.
Facebook Comments
