Davao City- 24 ka mga M16 high powered firearms ang gi-turn over sa Davao City Police Office kaganinang alas 11:30 sa buntag nga gitambongan ni PNP Chief Director General Ronald Bato dela Rosa.
Subay niini dako ang pasalamat ni DCPO Director Police Senior Supt Alexander Tagum kang General dela Rosa sa paghatag sa maong mga armas.
Sumala ni Tagum ang maong mga pusil magamit sa SWAT Team sa ilang mga operasyon ug paghatag og seguridad sa dakbayan.
Sa pikas bahin, gipahayag ni dela Rosa nga ipadayon ang hugot nga kampanya batok iligal nga droga ug illegal gambling dinhi sa nasod.
Dugang ni dela Rosa kinahanglan kanunay alerto ang kapulisan pinaagi sa pakig alayon sa Dabawenyo aron mapatunhay ang kahapsay ug kalinaw sa dakbayan.
Kasamang Don Pulayao
