IGaCoS – Istrikto karong gipatuman sa Island Garden City of Samal (IGaCoS), ang 24 hour liquor ban gumikan sa nagkataas nga kaso sa Coronavirus Disease 2019 (COVID-19) sa isla.
Matud ni IGaCoS Mayor Al David Uy (sa interbyu sa city-owned radio), tibuok bulan sa Agosto 2021 ipatuman ang total liquor ban diin nasayrang kini posibleng muresulta sa panagtapok o mass gathering ug dakong risgo sa takod sa COVID-19.
“Kini gihimo namo ‘ni (total liquor ban).. medyo nagkataas man gud ang kaso namo ‘ron. So, we need to do something kay ang hospital nato diri sa Samal nag-inusara, so overwhelmed ang atoang health facility,” saysay ni Uy.
Gibutyag usab sa alkalde nga puno-puno na ang mga quarantine facilities human nga pamilya-pamilya usab ang naigo sa COVID-19 sa Samal.
Padayon usab karon ang mga lakang sa lokal nga gobyerno aron padayong maproteksyonan ang ilang mga residente ilabi na gyud ang mga medical ug security frontliners sa padayong pagresponde batok COVID-19.
RadyoMaN Kirby Manzon
