Pinahintulutan na ng Commission on Higher Education (CHED) na makapagdaos ng limited face-to-face classes ang mahigit dalawampu’t tatlong unibersidad at kolehiyo para sa 2nd Semester ng School Year 2020-2021.
Ayon kay CHED Chairman Prospero de Vera III, nakasunod ang mga Higher Education Institutions sa CHED at Department of Health (DOH) guidelines at nakapag-inspeksyon na rin ang mga lokal na pamahalaan upang maipagpatuloy ng mga 3rd at 4th year students ang kanilang hands-on training at laboratory classes sa ilalim ng limited face-to-face system.
Dagdag ni De Vera, mahigpit pa rin nilang imo-monitor ng mga nabanggit na eskwelahan.
Kabilang sa mga eskwelahang pinayagan ay ang mga sumusunod:
Mariano Marcos State University – Batac (Region I)
St. Louis University (CAR)
Our Lady of Fatima University – City of San Fernando (Region III)
Ateneo School of Medicine and Public Health (NCR)
University of Santo Tomas (NCR)
University of East Ramon Magsaysay (NCR)
Our Lady of Fatima University – Quezon City (NCR)
Our Lady of Fatima University – Valenzuela City (NCR)
Manila Central University (NCR)
Adventist University of the Philippines (Region IV)
De La Salle Health and Medical Science Institute (Region IV)
University of Perpetual Help – Don Jose (Region IV)
Our Lady of Fatima University – Sta. Rosa (Region IV)
Naga College Foundation (Region V)
West Visayas State University (Region VI)
Central Philippine University (Region VI)
Cebu Institute of Medicine (Region VII)
University of Cebu School of Medicine (Region VII)
Iloilo Doctors’ College of Medicine (Region VI)
University of Iloilo (Region VI)
Blancia Foundation College, Inc. (Region IX)
Xavier University (Region X)
Liceo de Cagayan University (Region X)
University of the Philippines-Manila (NCR)
Prayoridad na mag-limited face-to-face classes ay ang mga nasa health-related degree programs katulad ng Medicine, Nursing, Medical Technology/Medical Laboratory Science, Physical Therapy, Midwifery at Public Health.
Layon nito na makalikha ng mga bagong puwersa ng health frontliners para sa laban kontra COVID-19.
