Por primeraves ya alcansa na 240 mga fescador el ya rehistra este tiempo para participa na cada año ta conduci Regatta de Zamboanga que ta conduci el govierno local cada Fiesta Pilar.
Asegun con el alcalde Beng Climaco estos mga rehistrante ya sale desdel deferentes mga coastal barangays y mga resettlement sites del ciudad.
El mga participantes desdel Masepla transitory site, Campo Islam, Campo Muslim, Taluksangay, Rio hondo, Mariki y Sta. Catalina hay participa tambien na mensyonao actividad.
El premyo na Regatta ya subi na P15,000 para el first place, P12,000 para second, P10,000 para el third, P7,000 para el fourth y P5,000 para el fifth placer. El mga non-winners hay recvi el P1,000 cada uno. El Best Vinta hay recivi P3,000.
El Regatta ya man-schedule alas-syete del aga na pecha-ocho del venedero mez de Octubre. – *Bhong Simbajon/RMN News*
