Davao City – 25% pa lang sa mga bakwit ang mipauli na sa ilang nagkadaiyang mga panimalay diha sa Lanao del Norte.
Sa record sa City Social Service Development Office (CSSDO), gikan sa 600 kapin ka mga pamilya niabot na lamang og 469 ka mga pamilya ang anaa pa sa nagkadaiyang distrito sa Poblacion A ug B, Talomo A ug B, Buhangin, Toril ug Baguio District dinhi sa siyudad sa Davao.
Matud ni CSSDO operational division officer Maria Luz Faranial nga adunay programang nasyonal ang Department of Social and Welfare Development nga libreng pamasahe alang sa mga bakwit nga gusto nang mo uli sa ilang lugar, samtang mao lang usab ang matunol ug hinabang sa level sa CSSDO ngadto sa mga anaa pa nga naka stay in dinhi sa siyudad.
Gidugang ni Faranial nga ang rason sa mga bakwit nganong anaa pa sila nagpabilin dinhi tungod kay timbawason nalang nila ang nahibiling mga bulan sa klase sa ilang mga anak, hulaton ma-lift ang Martial Law ug sa nagapadayong clearing operation sa armadong kusog sa Pilipinas sa syudad sa Marawi.
RadyoMaN Paul Canono
