Ginlunsyar na sang Department of Information and Communications Technology (DICT) ang mga connectivity sites sang Pipol Konek ukon ang Free Internet Access in Public Places Project sa syudad sang Iloilo sining karon lang.
Ang 25 ka mga sites sa syudad ginalakipan sang Jalandoni Memorial National High School (NHS); R.G. Hechanova NHS; Ramon Avanceña NHS; Iloilo Science and Technology University; Mandurriao NHS; Iloilo NHS; Iloilo City NHS; Jaro NHS; SPED-ISEC; La Paz NHS; TCT-AR Foundation Integrated School; Fort San Pedro NHS; Melchor L. Nava NHS; Bo. Obrero NHS; Santo Rosario Health Center (HC); Barrio Obrero HC; Iloilo City Proper HC; Jaro II District HC; La Paz District HC; Arevalo HC; Iloilo City Public Library; Iloilo City Pier; Plaza Libertad A kag B.
Ang tagsa ka user pagahatagan sang 256 kilobits per second (kbps) kag maximum nga 2 megabits per second (mbps).
Ang Pipol Konek nagatuyo nga mapasanyog ang digital literacy kag productivity sang mga netizens.
(photo from web)
