25 – sugatan sa banggaan ng tatlong bus sa Tagkawayan, Quezon

Tagcawayan, Quezon – Dalawampu’t limang pasahero ang sugatan sa banggan ng tatlong bus sa Tagcawayan, Quezon.

Sa imbestigasyon, nag-overtake ang isang Philtranco bus na galing naga sa pakurbang bahagi ng Quirino highway sa Barangay San Francisco kaya ito bumangga sa kasalubong na isa pang Philtranco bus na galing namang Maynila.

Nadamay naman sa aksidente ang kasunod nitong Elavil bus.

Agad naman isinugod sa ospital ang mga biktima.

Mahaharap naman sa kasong reckless imprudence resulting to physical injuries and damage to properties ang driver ng nag-overtake na bus na si Ricardo Petallo.