Davao City – Dul-an 2,000 ka mga empleyado sa nagkadaiyang Business Process Outsourcing (BPO) Companies sa dakbayan, ang nabakunahan og Coronavac’s Sinovac vaccine atol sa gilusad nga tulo ka adlaw nga industry-based vaccination activity niadtong June 30 hangtod July 2.
Gibutyag ni Eric Manalastas, BPO Association of Davao, Inc. President nga nag-inisyatibo sila sa maong industry-based vaccination aron tabangan ang lokal nga panggamhanan sa Davao aron mapadali ang rollout. Sumala niini nga mosumada sa 50,000 ka mga empleyado gikan sa 30-35 ka nga kompanya ug target na usab nga makabakuna ang 25,000 ka mga indibidal sa susamang aktibidad apan mag-agad lang sila sa availability sa vaccines.
Gikanayon ni City Health Office (CHO) Acting Head City Dr. Ashley Lopez, ang mga BPO Companies ug bangko ang adunay pinakataas og record nga kaso sa COVID-19 transmission tungod sa poor ventilation. Gikonsidera ang mga BPO workers sa pipila sa mga bulnerable sa coronavirus disease tungod sa workplace arrangement.
Giwagtang na usab ang lockdown sa tulo ka mga dagkong BPO Companies kinsa maoy labihang naigo COVID-19.
RadyoMaN Aimee Guinita
