25K nga kantidad hin shabu, narikupo han PDEA ha Bato, Leyte

40

BATO, LEYTE – Arestado an duha nga Newly Identified Drug Personalities ha bungto han Bato, Leyte ha gin-buhat nga buy-bust operation han PDEA Region 8 ngan Leyte Provincial Office ha Brgy. Iniguihan Bato Leyte.

Ginkilala an mga suspek nga hira Carlito Torrejos Jr., alyas Junjun, 25 anyos, may live-in partner, usa nga laborer ngan hi Algae Gaviola, alyas buloy, 28 anyos ngan usa gihapon nga laborer. An duha in pareho nga residente han Brgy. Inuihan Bato, Leyte.

Nakumpiska ha duha nga suspek an 11 ka sachet nga gin-aaligar shabu nga may kabug-at nga 5 ka gramo ngan may estimated value nga twenty five thousand pesos.

Hi Torrejos in papasakahan hin kaso ha pagtalapas han section 5 sale of dangerous drugs, section 11 possession of dangerous drugs, samtang hi Gaviola naman in maatubang hin kaso han section 26 article han RA 9165.

An mga suspek in temporaryo na nga nakadetine ha Bato Police Station lock up cell.

Facebook Comments