Iligan City – Nadala pa sa tambalanan ang usa ka lalaki apan gi deklara na kining patay human kini gidunggab alas 5:10 ang takna sa hapon kagahapong adlawa diha sa Purok 4 BarangayTambacan ning dakbayan sa Iligan.
Ang biktima nailing si Hernani Francia 26 anyos lumolopyo sa maonglugar diin gidunggab kini sa usa ka Alex Madraso taga Purok 4 sa maong barangay.
Ang biktima gidunggab sa naasoy nga suspek gamit ang usa ka hait nga kutsilyo diin naka angkon kini ug samad sa iyang lawas ug dali kining gidala sa City Hospital apan patay na kini paghidangat sa maong tambalanan.
Sa pamahayag usab sa pag umangkon niini nga si James Flores, igo lang mi ulang sa nag away nga mga batan-on ang biktima sa dihang naalaan kini sa suspek nga siya ang misuntok sa pag umangkon niini nga nagkadugo ang nawong.
Hinuon ang suspetsado dali nga nasikop sa follow up operation sa kapulisan sa presento 4.
Gi detain karon sa detention cell ang maong suspek diin mag atubang kini ug kaso nga pagpatay.
