Pagadian City – Gumikan sa paspas kaayo nga pagkuyanap sa Covid-19 sa probinsya sa Zamboanga del Sur nipatung na kagahapong adlawa sa 26 ka mga Medical Frontliners ang nataptan sa Covid 19 nga posebling ika collapse matod pa sa health care system sa mga balay tabalanan.
Gipaklaro man hinoon sa dako sa Integrated Provincial Health Office kon IPHO nga si Dr. Anatalio Cagampang Jr nga dili pa siguro nga mao bani ang Delta Variant sa Covid-19.
Gidugang man usab ni Dr. Cagampang nga puno na ang tanang mga ospital sa syudad sa Pagadian ug Zamboanga del Sur samtang taga-adlaw na matod pa nga dunay matala nga patay lahi matod pa kini sa 1st ug 2nd wave.
Mao kini ang tipik sa pamahayag sa Chief sa Zamboanga del Sur Medical Center ug pangulo sa IPHO Dr. Anatalio Cagampang Jr sa interview RMN pinaagi sa programang Straight to the Point.
