TACLOBAN CITY – 26 nga mga Local Government Units ha Rehiyon Otso in makakakarawat hin National award nga Seal of Good Local Governance tikang ha Department of Interior and Local Government Unit o kun DILG. 23 dinhi an Municipalidad ngan 3 nga Syudad.
Ha Probinsya han Leyte, lakip an bungto han Alang-alang, Leyte, Leyte, San Isidro, Tabango, ngan Barugo, Leyte. An Barugo in ika tulo na ka tuig nga nakakarawat han mao nga award.
Ha probinsya naman han Southern Leyte, lakip an municipalidad han Macrohon, Padre Burgos, San Ricardo, St. Bernard ngan Sogod.
Basey, Calbiga, Daram, Gandara, Motiong, ngan Villareal naman ha probinsya han Samar.
Municipalidad han Guiuan, Oras, Salcedo ngan Sulat naman ha Eastern Samar. Ngan bungto han Lapinig ngan Lavezarez ha Northern Samar.
Lakip naman an syudad han Baybay, Maasin, ngan Tacloban an makakakarawat han mao nga award.
Sumala kan Barugo Leyte Mayor Maria Rosarion Avestruz, mahitungod han partisipasyon han mga residente ha Barugo in nakab-ot na liwat nira an mao nga award ha ika tulo na nga higayon.
Samtang, waray naman municipalidad ha Biliran ngan 6 nga probinsya han Rehiyon 8 an matatagan han SGLG Award mahitungod han gutiay nga requirement nga waray nai-comply han nasabi nga municipalidad ngan tanan nga probinsya.
An rehiyon otso an may Most number of LGU’s ha bug-os nga nasod nga nagpapabilin pa ha Top 15 han mao nga award.
