Gibutyag karon sa Philippine Drug Enforcement Agency kon PDEA Bukidnon nga mukabat na sa 263 ka mga barangay sa probinsya ang drug cleared na.
Sa interview sa RMN DXMB Malaybalay ngadto kang PDEA Bukidnon Provincial Officer Alex Subang, gibutyag niini nga gawas sa anti-illegal drug operation nga ilang gihimo, nakatutok usab sila sa barangay drug clearing.
Gani, sa karon naka-clear na sila ug 263 ka mga barangay apan aduna pay 201 ka mga barangay ang gipaningkamutan nga ma-clear sa illegal nga droga.
Gipasabot usab ni Subang nga oras nga madeklara na ang usa ka barangay nga drug cleared, wala kini nagpasabot nga wala na gyoy illegal drug activity sa mao nga dapit apan padayon ang ilang monitoring ug revalidation kung asa ilang susihon kung nibalik ba ang illegal nga droga sa mao nga barangay o wala na. Kung mapamatud-an nga nibalik kini, possible nga ilang bakwian o kuhaan ug certification.
Karong Hulyo 7, saulugon sa PDEA ang 19th Anniversary sukad sa pagkamugna niini ug adunay tema nga “Laban Kontra Droga, Tuloy-tuloy kahit may Pandemya”.
