268 former rebels, supporters kag mga community leaders sa T`boli nakabaton sang financial kag food assistance sa DSWD 12.

24

Nagalab-ot sa 268 ka mga former rebels lakip na mga supporters, indibidwal kag community leaders nga nagaduso sa deklarasyon nga persona non grata ang New People’s Army ukon NPA, ang armed wing sang Communist Party of the Philippines sa banwa sang T`boli ang nakabaton sang financial kag food assistance halin sa Department of Social Welfare and Development Office 12.
Suno kay DSWD 12 Regional Director Cezario Joel Espejo nakabaton sang P3, 000.00 nga financial assistance ang mga recipients.
Pahayag niya pa nga ang impluwensya kag suporta sa NPA ang naggamay umpisa sang nagligad nga tuig tungod sa ginahimo nga interbensyon sang ahensya.
Gin-appreciate man ni Espejo ang partnership nila sang 5th Special Forces Battalion kag 11th Special Forces Company sang Armed Forces of the Philippines subong man sang local government (LGU) sang T’boli.
Ang interbensyon ang halin sa assistance to individuals in crisis situations (AICS), nga nagasuporta sa Executive Order No. 70 ni Presidente Rodrigo Duterte nga tapuson ang Local Communist Armed Conflict.
Ginpahayag ni Ryan Balanza, regional EO-70 focal person nga tungod sa gin-intensify nga implementasyon sang kampanya umpisa sang nagligad nga tuig yara na sa 700 ka mga former rebels ang nahatagan sang ayuda sang DSWD 12.

Facebook Comments