27 anyos brutal nga gipatay sa mga minors

3899

Davao City – Tungod sa giingong aso sa vape, brutal nga gipatay ang 27 anyos nga si Vincent Almeda Sumaoy o mas nailang ‘Enteng’ nga taga-NHA, Barangay San Antonio, Agdao, Davao City atol sa birthday celebration sa iyang ig-agaw sa Quezon Street, Brgy. Poblacion, Lupon, Davao Oriental.

Ang duha ka mga gitudlong suspek mga menor de edad kinsa anaa usab sa maong okasyon.

Sa eksklusibong interbyu sa DXDC RMN Davao kang Police Major Nelson Violan Jr. Station Commander sa Lupon Municipal Police Station, napungot ang mga suspek sa aso sa vape kinsa gituohan nilang gikan sa biktima.


Pasado alas 3:00 sa kadlawon nigawas ang biktima aron mangihi, dihang gitabangan kini’g tigbas ug luba sa mga suspek sa nagkadaiyang parte sa lawas niini.

Segun ni Violan, ni-surrender ang duha ka mga suspetsado ug narekober nila ang sundang ug ice pick nga gigamit sa krimen.

Gidala ang biktima sa Davao Regional Medical Hospital sa Tagum gikan sa Lupon District Hospital apan tungod sa grabeng samad nga nahiaguman, alas 10:46 sa buntag niadtong Sabado Nobyembre 20, 2021 nakabsan sa kinabuhi.



Gikasuhan na og murder ang duha ka mga suspetsado nga nag-edad 16 ug 17 anyos nga mga kagahapong adlawa, Nobyembre 22, 2021.

“Naa na sa custody nato ang duha ka suspect, at the same time tua na sa piskal ug nag-file nata’g kaso sa ilaha. Ang bola karon naa na sa piskal i-determine sa piskal kung naa bay liability ang duha suspek together sa discernment sa DSWD, mga 3 days pa sila makahatag og desisyon. Dili na sila makagawas not unless kung naay order sa amoa from fiscal’s office or from court nga i-release namo ang suspects, pero definitely kung wala sa amoa na siya,” sumala niini.


Nagbangutan ang pamilya ug hustisya ang padayong singgit nila sa biktima.

Gibutyag sab sa iyaan niini nga si Enily Almeda, walay bangi nga nahitabo tali sa biktima ug mga suspek atol sa okasyon.

Samtang sumala sa long term girlfriend sa biktima, posibleng naalaan lang kini tungod wala kini ga-vape.

Panawagan sa pamilya nga dili buhian ug atubangon sa mga suspek ang brutal nga pagpatay sa biktima.

RadyoMaN Aimee Guinita

Facebook Comments