TACLOBAN CITY – Mas ginpakusog pa yana han Land Transportation Office (LTO) Region 8 an panakop han mga kolurom nga bus ngan pamapasahero nga van dinhi Ha Leyte ngan Samar.
Sumala kan LTO Regional Director Edgar Catarungan, 27 nga pampasahero nga van ngan unom nga bus an gindakop han LTO. Nanbibiyahe ini nga mga behikulo nga waray otorisasyon tikang ha Land Transporation Franchising and Regulatory Board (LTFRB).
Nagbayad na an iba nga tag-iya hini nga pampasahero nga behikulo nga nagkakantidad 200,000 pesos.
Ginpanhimuwa naman han opisyal an mga araba han transport leaders ha Region 8 nga may pinili la an lto han ira dadakpon
An problema yana han lto kay nagkukulang hira hin impounding area, aada man gudla ha Barangay San Jose han Tacloban City an ira pag-impound.
Diri liwat basta-basta sumala han opisyal kay nasunod hira hin mando tikang ha Commission On Audit (COA) ha pag-auction han mga nadakop nga sarakyan.
