Davao City – Matigayon ang formal turnover sa 27 ka brand-new Montero Sport Mitsubishi mobile patrol cars karong petsa 16 ning bulan sa Enero tuig 2018 sa adlaw sa Miyerkules sa hapon mahitabo sa Davao City Police Office (DCPO) siyudad sa Davao.
Sumala ni DCPO City Director Police Senior Supt Alexander Tagum nga pangunahan ang turn overceremony ni ambassador Koji Haneda ug anaa ang presensiya ni Pres. Rodrigo Roa Duterte ug saksihan usab nila Police Director General Ronald Bato Dela Rosa ug Mayor Sara Duterte-Carpio.
Gidugang ni Tagum nga dako og tabang ang mobile patrol cars nga maoy gamiton sa mga personahe sa Mobile Patrol Group diin dugang pwersa sa pagbantay sa seguridad sa katawhan ning siyudad diin usa usab nga ilang tutukan mao ang pagbantayan sama sa parks, terminals, tourist spots ug uban pang lugar nga sagad ginapundohan ug mga tao.
Giingon ni Tagum mamahimong gamiton ang maong sakyanan kun ugaling adunay problema panahon nga nagkinanglan og tabang ang mga Dabawenyo.
RadyoMaN Don Pulayao
