Naa sa 270 ang bag-ong kumpirmadong kaso sa COVID 19 sa Region 10 basi sa briefer nga gipagawas sa Department of Health o DOH Region 10 kagabie.
Lakip niini ang 269 nga mga local cases ug usa ka ROF o LSI nga gikan sa Misamis Occidental.
Sa mga local cases, lakip niini ang 84 sa Bukidnon, 22 sa Lanao del Norte, 33 sa Misamis Occidental, 50 sa Misamis Oriental, 67 sa Cagayan de Oro City ug 13 sa Iligan City.
42 ang natalang namatay sa COVID-19 kung asa duha niini gikan sa Bukidnon, duha Lanao del Norte, 36 Iligan City, usa Misamis Oriental ug usa Cagayan de Oro City.
Tungod niini, niabot na sa 2, 388 ang mga namatay sa Covid-19 sa region 10.
Naa sa 1,512 ang mga naka recover sa Covid 19 nga gilangkoban sa 673 Bukidnon, 67 Camiguin 74 Lanao del Norte, 143 Misamis Occidental, 349 Misamis Oriental, 186 Cagayan de Oro City ug 20 Iligan City.
Sa kinatibuk-an, nikabat na sa 74,670 ang total confirmed cases sa COVID 19 sa Region 10 kung asa 72,215 niini mga local cases ug 2,455 ang mga ROF ug LSI.
