28 ka barangay dili aktibo ang rehabilitasyon.

64

Gikatakdang susihon ni Association of Barangay Chairman Alam Lim ning syudad, ang report nga adunay 28 ka mga barangay ang dili aktibo ang ilang Community-Based Rehabilitation Program.

Kini naglakip na matud pa sa Barangay Balulang, Balubal, Bonbon, Consolacion, Indahag, Puerto, Besigan, Dansolihon, Tumpagon, Pigsag-an, Taglimao, Tagpangi, Bayanga, Pagalungan,  Pagatpat ug Barangay 21, 22, 23, 28, 29, 30, 32, 34, 36, 37, 38, 39 ug 40.


Gipahayag ni Kagawad Lim, nga iyang susihon kung unsa katinuod ang maong report aron iyang mapatawag ang mga kapitan sa nasangpit nga mga barangay ug mapangutana ang rason kon nganong dili sila aktibo.

Hinuon, gipahibalo sa maong opisyal nga kung aduna may mga barangay nga dili makaapil sa himuong Drug Abuse Prevention and Control month celebration, angay na lamang kining  sabton ilabina nga kataposan na sa tuig ug posibleng wala na kini budget.

Mahinumdoman, nga una nang gipahibalo ni Rhyselle Descallar sa Oro Citizens Wellness and Development Center nga ang matag barangay gimandoan nga mamahimong aktibo alang sa Barangay Anti-Drug Abuse Council ug CBRP, tungod kay posibleng mag-atubang kini sa kasong administratibo kung dili kini mapatuman.

Facebook Comments