Pagadian City – Dul-an 30 ka mga colorum nga mga van ang gidakop sa mga tinugyanan sa Land Transportion Office atul sa gilusad nga operasyon didtong dapita sa Integrated Bus Terminal niadtong adlaw nga sabado.
Gilangkuban sa 26 ka mga UV express ug duha ka multi-cab ang naa karun sa impounding area sa 1st Infantry Tabak Divison human kining walay gipakita nga dokumento dihang gisita sa LTO Central Office.
Sa interview sa RMN Pagadian kang Rolando Abelardo nga maoy nanguna sa operasyon, kadaghanan sa ilang nasikop nagbyahean gikan sa syudad sa Pagadian paingon sa Cotobato City ug General Santos.
Gidugang ni Abelardo nga mokabat sa P200 mil ang pinakaubos nga multa sa mga nangadakpan.
Nagbahad ang LTO nga padayon ang ilang pagpanakop isip kabahin sa ilang mandato ug aron masiguro usab nga rehistrado nga mga sakyanan ang masakyan sa mga pasahero.
