Gitumbok sa CHO ang posibleng mga hinungdan sa kalit nga pagkunayap na sad sa sakit nga dengue sama sa pabag-o bag-o sa klima, epekto sa mga kaugmaran sa syudad, wala na mintinar ang kahinluan sa palibot, ug kukulangan sa mga awareness campaign ngadto sa publiko batok sa maong sakit.
Matud pa kang Tropical Head Division Melodina Babante atol sa iSpeak media conference nga angay na kining matuki ug matutukan tungod kay nakatala na sila og 28 na kasong nangamatay tungod sa dengue gikan Enero hangtod Agosto ning tuiga ug sagad sa mga nakabsan og kinabuhi mga batang nag edad gikan kuwatro anyos ngadto siete anyos.
Dugang pa ni Babante nga ang mga dengue related deaths nag ugat matud pa sa pagduha duha sa pamilya nga mangayo’g tabang medical, dili kompletong mga medical requirements sama sa mga swab tests bago ma admit ang pasyente tungod sa kakulangang pinansyal, ug ang uban usab pamilya dili madali og dala ang mga bata sa hospital tungod kay wala’y nagpatim-aw nga sintomas ug kay lagi kalintura ra.
Ang kasagarang mga kaso sa dengue nga natala sa Davao City nanggikan sa mga Barangay lakip na ang Talomo Poblacion, Catalunan Pequeno, Catalunan Grande, 19-B ilawom sa unang congressional district, Bunawan, Tibungco, Lasang, Ilang ilawom sa ikaduhang congressional district, Barangay Lizada, Tugbok proper, Sto. Nino Relocation, Calinan Poblacion, Toril Poblacion, Daliao, Tacunan, ug Mintal.
RadyoMaN Ivy Parido
