CAUAYAN – 28 ang pilason lakip na diri ang isa ka kritikal ang sitwasyon sa ospital matapos sang nagluntad nga ‘stampede’ sa Cauayan Arts Center.
Nahibalu-an nga may yara sang Family Day ang 4PS beneficiaries sa banwa sa diin gintambungan ini sang kapin 5 mil ka mga tawo.
Lakip man sa amo nga event ang Mister and Miss Pantawid lakip man ang performances sang tagsa ka barangay sa diin may yara sang ‘act’ nga nag-gamit sang kalayo.
Suno sa report, nga may yara sang nag-singgit nga ‘sunog’ nga gintuna-an naman sang pag-panic sang mga ara sa sulod kag nagdinaguso pagguwa sa duwa ka exits sang covered gym.
Didto na kag nagluntad ang stampede ukon ang pagtinikludanay sa diin ang iban ang nagkala-ipit.
Suno kay Mayor John Rey Tabujara nga gina-kasubo niya ang natabu nga insidente nga kuntani magahatag ini sang kasadya sa mga pumuluyo sang banwa sang Cauayan. / Photo by Angie Salcedo
