Davao City – Mokabat sa 280 ka mga recipients sa Sinovac ug Astrazeneca COVID-19 vaccines sa Southern Philippines Medical Center (SPMC) ang nakasinati’g adverse effects.
Sa interbyu sa DXDC RMN Davao kang Dr. Ricardo Audan, SPMC chief, 5,200 ka mga SPMC workers ang nabakunahan.
Matud ni Audan sa 280, pito ka mga indibidwal ang serious adverse effects, usa sa Sinovac ug unom sa Astrazeneca.
“Nag-anaphylaxis,medyo naglisod og ginhawa. Nadala sa Emergency Room eventually na-discharge ra gihapon namo,” matud ni Audan.
Gibutyag ni Audan tanang nakasinati’g side effects stable na ang kondisyon sa pagkakaron.
Dugang niini, 3,841 ka mga SPMC workers ang nabakunahan sa Sinovac COVID-19 vaccines diin karong Abril 5-12 ang skedyul sa ilahang ikaduhang dose, samtang 1,359 kabuok indibidwal ang nidawat sa Astrazeca vaccines ug karong Mayo ang ilang second dose.
RadyoMan Aimee Guinita
