29 anyos nasikop sa pagpamaligya og shabu sa pulis

46

Polomolok, South Cotabato – Nagmalampuson ang pagsikop sa elemento sa Polomolok Municipal Police Station ngadto sa 29 anyos human namaligya og iligal nga drogang shabu pasado alas-6 ang takna kagabie adlawng Huwebes.

Giila sa presinto sa kapolisan ang suspek nga ilahang nadakpan sa pangalang Arjay Nicor, ulitawo ug nagpuyo sa Purok Malipayon, Barangay Upper Klinan, Polomolok, South Cotabato.

Nadakpan si Nicor sa may Lantana Subdivision particular atubangan sa usa ka simbahan sakop sa Brgy. Cannery Site sa nahisgutang munisipyo.

Nakumpiska sa police poseur-buyer ngadto sa suspek ang buybust item nga iligal na drogang shabu human matunol ang marked money nga 500 pesos.

Samtang nakumpiska usab gikan sa pag-amping sa suspek ang laing tulo ka pakete sa iligal nga drogang shabu nibalor og 1,500 pesos.

Gitugyan sa kapolisan ang ebidensya na shabu ngadto sa Regional Crime Laboratory Office (RCLO) 12 alang sa laboratory examination samtang ang buybust money gitugyan ngadto sa Provincial Prosecutors Satellite Office, Polomolok, South Cotabato.

Atubangon sa suspek ang kasong kasupakan sa Article II, Section 5 and 11 of RA 9165 o Comprehensive Dangerous Drugs Act.




For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: sikop sa shabu.jpg]

Facebook Comments