Davao City – Crime of passion ang usa sa mga ginalantaw karon nga motibo sa pagpamusil patay sa usa ka babaye pasado alas 4 sa hapon gahapon, Enero 11, 2024 sa Tagum Historical Center, Osmeña St., Magugpo Poblacion, Tagum City.
Ang biktima giilang si Erlinda Pino Manghano, 29 anyos ug residente sa Purok-9 Poblacion, New Corella, Davao del Norte.
Sa pakighinabi sa DXDC RMN Davao kang PLTCOL Jeffrey Latayada, ang hepe sa Tagum City Police Station, iyang gibutyag nga gipusil ang biktima sa makadaghang higayon nga miresulta sa iyang hinanaling kamatayon.
Saysay ni Latayada nga on-going na ang ilang build up sa pagkatawo sa suspect nga mibuhat sa krimen kinsa daling nakaikyas paingon sa wala matinong direksyon.
Sa pagkakaron, ginaberipika usab sa kapulisan ang impormasyon nga nagkanayong gikan sa abroad si Manghano, buwag sa bana ug adunay live in partner.
RadyoMaN Ivy Parido
Facebook Comments
