Roxas City, Capiz – Dakop sa ginpatigayon nga drug buy bust operation sang Philippine Drug Enforcement Agency (PDEA 6) ang 29-anyos nga lalaki sa Barangay 9, Roxas City alas 6:30 kagab-i.
Ginkilala ang subject person nga si Lennon Abaracoso kag residente man sang nasambit nga barangay. nakuha sang mga operatiba sa kamot sang suspek ang apat ka sachets sang suspected shabu, isa ka libo ka pesos nga marked money kag mga drug paraphernalia.
Ginakabig naman sang PDEA nga isa ka street value target si Abaracoso kag sakop sang iya operasyon ang nasambit nga lugar. Yara na sa kustodiya sang PDEA 6 sa syudad sang iloilo ang suspek kag natalana nga pagapasakaan sang kaso nga paglapas sa RA 9165 ukon Comprehensive Dangerous Drugs Acts of 2002.
Samtang ginpanginwala naman sang suspek wala ini sang kahilabtanan sa baligyaanay sang illegal nga droga.
