29-anyos patay matapos lab-on sa Tupi, South Cotabato.

19

Patay ang isa ka persona, matapos nga lab-on sa Sitio Tukay-El, Tupi, South Cotabato, alas 12:15 kagaina sang kaagahon, Enero 23, 2021.
Ginkilala ang biktima kay Andrio Saulda Zolina 29 –anyos, single, mangunguma, samtang ang suspek ang ginkilala naman kay Alberto Maligon Dason, 46-anyos, pareho residente sang nasambit nga lugar.
Sa imbestigasyon sang Tupi MPS ang duha ang nagtambong sa birthday party sa Sitio Mambusong sa nasambit nga lugar sang may nagpatunga nga mainit nga pagbaisanay.
Apang sang nagapanglakaton ang biktima sa provincial road sa Sitio Mambusong 1, Barangay Cebuano, Tupi, papauli sa ila balay sang ginlabo ini sang suspek sang makapila ka bes gamit ang bolo (lagaraw).
Gindala pa sa ospital ang biktima, apang gindeklarar nga dead on arrival sang attending physician.
Boluntaryo naman nga nagsurender ang suspek sa Barangay Cebuano Officials kag ginturn- over sa responding elements sa Tupi MPS.

Facebook Comments