Davao City – Hitsas na ang tanan alang sa 29th Davao Catholic Church Athletic Association (Dacs) College Sportsfest nga pagablihan sa Setyembre 23, 2019 sa Martin Hall, Ateneo de Davao University (AdDU).
Sumala ni Jimmie Loe Dela Vega, Executive Director sa DACS, anaa sa 1,000 ka mga partisipante ang gilaumang motambong ug makigkumbati sa managlahing dula.
Segun niini nga sa 19 ka mga tulunghaan nga membro sa DACS, 16 lang ang aktibong mupartispar gikan sa Archdiocese of Davao, Diocese of Digos, Diocese of Tagum ug Diocese of Mati.
Dugang ni Edwin Dalumpines, DACS-OSA Chairperson, siyam lang ka mga dula ang nakaprepara gumikan sa konsiderasyon sa schedule sa klase sa mga estudyante.
Gawas sa Team ug Individual Sports sama sa Basketball, Volleyball, Table Tennis, Badminton, Taekwondo, Sepak Takraw, Football, Swimming, ug Chess duna usab mahinayong Musical ug Cultural events sama sa Dancesports, Folk Dance, Cheer Dance ug Song Solo.
Tema karong tuiga mao “Yes, YOUth can!” nga gisubay sa selebrasyon sa Year of the Youth.
Ang mananog nga mga partisipante matag event maoy ipadala sa Catholic Educational Association of the Philippines (CEAP) Mindanao Games, usa ka Mindanao-wide conference nga gipartisiparan sa Regions 9, 10, 11, 12, 13 ug ARMM.
RadyoMaN Jason Amisola
