Sukad nga napirmahan ang Presidential Proclamation No. 647 niadtong Setyembre 20, 1990 pinaagi ni kanhi Presidente Corazon C. Aquino, ang matag bulan sa Oktobre ang pagasaulogon isip National Statistics Month (NSM).
Ang matag tuig nga selebrasyon magpahigayon sa statistics -related activities, tumong nga ma-promote, mapalapdan ang kahibalo ug masayran ang ka importante ug bili sa statistics ngadto sa nagkalain-laing mga sektor sa sosyodad lakip na ang init nga kooperasyon ug suporta sa publiko kalabot na sa pagbag-o sa kalidad ug sukdanan sa statistics sa atong nasud.
Sa ika-29 ka tuig karon, ang NSM nagsaulog dala sa tema nga “Exploring Philippine Wonders in Numbers: Statistics Towards Sustainable Tourism Development.”
Ang usa ka bulan nga selebrasyon, pagalangkuban sa mga kalihukan nga pangunahan pinaagi sa nagkalain-laing national government agencies (NGAs), government-owned and controlled corporations (GOCCs), local government units (LGUs), academe ug uban pang pribadong kompanya ug mga organisasyon.
Ang mga kalihukan naglakip sa symposia, workshops, orientation-seminars, exhibits, publications of statistical reports, ug uban pang mga impormasyon kalabot niini. Ang official streamer alang sa 29th NSM ang lakip sa ipahiluna sa mga government agencies sa central ug regional ug sa matag LGUs.
Ang Philippine Statistics Authority (PSA), head sa steering committee ang nanawagan alang sa entries sa 28th NSM Awards. Ang NSM awards gimugna sa tuig 2002 aron makahatag ug incentives ngadto sa mga participating entities ug agencies sa NSM Celebration ug nagdasig sa ilang padayon nga pagsuporta alang sa NSM activities.
Ang 28th NSM Awards gilangkuban sa lima ka mga kategoriya, nga mao ang: Best Statistical Activity ipahigayon pinaagi sa Government Organization, Best Statistical Activity ipahigayon sa Private Organization, Best Youth Group Advocate for Statistics, Best Region, ug ang bag-ong gedesinyo nga category,ug Best Local Government Unit (LGU) Award kini tuyong gimugna aron pag-ila sa mga ahensya nga aktibong mipahigayun sa statistical activities atoll sa 28th NSM Celebration sa milabay’ng October 2017.(PIC-JoyEngoc)
