Magkakaroon ng maikling programa ang Lokal na Pamahalaan ng Lungsod ng Maynila sa Lunes, August 19 upang ibigay ang cash incentives sa two-time Olympic gold medalist na si Carlos Yulo.
Ayon kay Manila Mayor Honey Lacuna, plano rin nilang magdeklara ng Carlos Yulo Day tuwing August 4 bilang pagbibigay pugay sa unang Pilipinong nakakuha ng double gold medal sa Olympics.
Napili naman ang August 4 dahil ito ang araw kung kailan nasungkit ni Yulo ang kaniyang unang gintong medalya.
Samantala, mamayang alas-5:00 ibibigay ang kalahating milyong pisong cash incentive sa Manileñong si EJ Obiena.
Ito ay dahil bukas ay aalis na patungong ibang bansa si Obiena habang punong-puno naman ang schedule ni Yulo.
Facebook Comments
