2K ka disgrasya natala tungod sa human error

31

Davao City- Human error maoy pinakataas nga ihap sa vehicular accidents dinhi sa dakbayan sa Davao.

Sumala ni City Transport and Traffic Management Office (CTTMO) chief Dionisio Abude, mokabat sa 2,662 ang gidaghanon sa disgrasya sa kadalanan tungod sa sayop sa mga drayber, 27 sab ang natalang disgrasya tungod sa vehicle defect ug road defect 26 kabuok base sa rekord sa kapolisan sa unang quarter ning tuiga.

“ Kung makita nato sa statistics halos wala gani makaabot og 10% ang sa kalsada kundili human error ug mechanical error ang problemaz,” sumala ni Abude.

Kapin 2,000 ka mga private vehicles ang nalambigit sa aksidente, motorsiklo 805, taxi 357 ug truck 313.

Girekomendar ni Abude sa Department of Public Works and Highways (DPWH), mag butang og truck lane, motorcycle lane, blinkers, reflectorized road signs ug uban pang warning signs aron makita kini sa gabii sa CP Garcia Highway, McArthur Highway, Quimpo Boulevard, Mamay Road, Panacan ug Quirino dinhi sa dakbayan sa Davao.

RadyoMaN Aimee Guinita

Facebook Comments