Ipinaagi han mao nga programa, natagamtaman han mga residente an libre nga serbisyo medical, konsulta, dental, optical, laboratory, medicina ngan iba pa.
“Ang Lab For All program ho namin any brain child namin go ng asawa ko. Ang sinabi ng asawa ko, we should bring government services closer to the people and not the other way around,” siring ni first lady Marcos.
Labot la ha mao nga venue, ginpadangat gihapon an pareho nga serbisyo ha Eastern Visayas State University Gymnasium, Marasbaras National High School, ngan Leyte High Gymnasium.
Labot la ha nasabi nga serbisyo, presente gihapon agud ipadangat an ira tagsa-tagsa nga serbisyo an butahan han DSWD, DOH, PAO, NHA, DA, DTI, FDA, LTO, CHRD, DMW ngan iba pa nga ahensya.
Mayda gihapon Kadiwa Stores kun diin mapapalit an mga magkalain-lain nga produkto ha agrikultura han iba-iba nga asosasyon ha bug-os nga Eastern Visayas.
Presente gihapon ha mao nga aktibidad hi House Speaker Martin Romualdez, Tingog Partylist Representative Yedda Romualdez ngan Jude Acidre, Tacloban City Mayor Alfred Romualdez ngan iba pa nga mga opisyales han gobyerno.
Ha mensahe ni Speaker Romualdez, iya gintagan hin pagdayaw an lab for all program nga nakaghatag hin bulig ngan serbisyo ha katawhan.
“Para sa mga ordinaryong Pilipino, ang “Lab for All”caravan ay isang malaking tulong. Ito ay nagdadala ng serbisyong medikal direkta sa kanilang mga komunidad. Nagliligtas ito sa kanila mula sa pagod, gastos, at hirap ng pagpunta sa mga malalayong ospital,” siring ni Romualdez.
“Mahal naming First Lady, tunay ngang nakakataba ng puso ang inyong malasakit at pagsusumikap na magbigay ng mas maayos na kalusugan sa ating mga kababayan,” dugang pa.
Samtang, gintambungan gihapon ni First Lady Marcos kaupod hi House Speaker Romualdez ngan iba pa nga opisyales an paghatag hin financial assistance ha mga TUPAD beneficiaries han Tacloban City ha usa nga seremonya ha Leyte Normal University ha pareho nga adlaw.
