Davao City – Nagmalampuson ang gilusad nga ikaduhang Maritime Exercise ingon man ang unang search and rescue operation sa Maritime Coordinating Council Miyerkules sa buntag sa sa kadagatan sa syudad sa Davao.
Sa interview kang Commoder Roy Echeverria, District commander sa Philippine Coast Guard (PCG), na address na nila ang kakulangon sa koordinasyon nga maoy problema sa milabay’ng simulation exercise niadtong Agosto 2018 gani karon nagmalampuson kini.
“Before nagkakaproblema tayo as to anong frequency tayo pwede mag standby na magkakarinigan lahat… Kasi minsan, nagkakarinigan si AFP at Coastguard pero hindi naman nakukuha sa Airforce ganun din sa pulis pero this time nagkakarinigan na talaga,” segun niini.
Ebalwasyon ni Echeverria nga wala kini nakita nga problema sa pagkakaron ug nanghinaot nga dili mapakyas panahon sa aktwal nga sitwasyon.
Gikanayon niini nga pagpangandam usab kini sa mga muabotay nga aktibidad nga ipahigayon sa syudad sama sa Palarong Pambansa, Alveo Ironman, Araw ng Dabaw, ingon man ang 2019 National Elections.
Gilusad ang Inter-agency Maritime Law Enforcement ug Search and Rescue Exercise 2019 tumong nga masulayan ang kapabilidad sa kaandam ug kahibalo sa awtoridad panahon kung adunay mga pagpangatake sa syudad sa Davao partikular mga terorista nga muagi sa kadagatan.
RadyoMaN Jason Amisola
