Pormal nga ipahigayon karong buntag ang Change of Command Ceremony alang sa bag-ong commander sa 5th Mechanized Infantry Battalion, Philippine Army, sulod sa ilang kampo sa Barangay CMR, sa Maigo, Lanao del Norte.
Itunol ni LtC. Ronel Manalo ang liderato ngato kang LtC. Rolando Orengo, kinsa naghupot sa katungdanan isip executive officer sa 2nd Mechanized Brigade, nga naa mahimutang sa Ditucalan, Iligan City.
Kasamtangang sakop sa area of operation sa 5th Mechanized Battalion ang mga lungsod sa Bacolod, Maigo, Kolambogan, Tubod, Baroy, Lala, Kapatagan, Sultan Naga Dimaporo, Nunungan, Magsaysay, Salvador ug Sapad sa Lanao del Norte.
Samtang sa alas-2:00 sa hapon usab ipahigayon ang Change of Command Ceremony sa 2nd Mechanized Infantry Brigade, gikan kang Brigader General Thomas Sedano ngadto kang Col. Ezra James Enriquez.
Si Enriquez nahimong deputy commander sa 2nd Mech, sa wala pa kini nahimong Inspector General sa Mechanized Division didto sa Tarlac.
Sakop sa AOR sa 2nd Mechanized Brigade and tibook Lanao del Norte ug Iligan City, lakip na ang Saguiaran sa Lanao del Sur.
Samtang naghulat sa ilang bag-ong katungdanan, kasamtangang ibutang sa general headquarters sa Armor sa Tarlac sila si Sedano ug Manalo.
