Untop alas 2:00PM kagahapong adlawa gihimo ang 2nd Quarter Nationwide Simultaneous Earthquake Drill dinhi sa tibuok nasud sa pilipinas, base kini sa gipagula nga Memorandum no. 20 s, 2018 gikan sa buhatan ni RD OCD Lencio A. Cirunay Jr. sa Regional Disaster Risk Reduction and Management Council IX tumong niini mao ang pagsalmot sa earthquake drill kun asa nagmando ngadto sa mga LDRRMC sa pagsanong niini.
Ang City Disaster Risk Reduction and Management Officee(CDRRMO) dinhi sa dakbayan sa Dipolog mihimo sa maong kamanduan nga kung diin didto kini gihimo sa Barra Elementary School nga maoy napili nga lugar para sa drill.
Maong aktibidad gihimo kini aron masayran kun unsa ba kaandam ang mga magtutudlo, mga tinun-an ug mga ginikanan panahon kun adunay linog nga mahitabo.
Ang maong dakong kalihukan gi tambungan sa mga mosunod nga ahensya sa gobyerno nga mao ang Phivocs, DepEd, PNP BFP, DILG, PAGASA-DOST, PHILIPPINE RED CROSS PDRRMO CDRRMO, ug uban pang hingtungdang ahensya.
Ang city disaster risk reduction and managment council nga mao na karon ang rescue 117 sa dakbayan sa dipolog anaa usab didto sa pagpanguna ni Julius Ian Palacio uban sa representante sa city information office nga si Loviña Uy.
Ang maong earthquake drill gihimo nila ang tinuod nga scenario kun adunay linog, mismo ang mga estudyante ug mga magtutudlo sa Barra Elementary school sa pagpanguna sa ilang Principal nga si Lyn A. Carpio ang nahimo nga mga partisipante uban sa pag giya sa taga NDRRMC, CDRRMO, BFP ug uban pang hingtungdan.
Didto ilang gipakita ang dinaliang aksyon kun ugaling adunay mamahimong maangol sa katalagman paghimo sa mga first aid, kun unsaon pag gamit ang mga tools ug ang dinaliang pakigkutay sa disaster response team aron dali nga marespondehan ug matambalan.
Matod pa sa nag organisa sa maong aktibidad dako kining tabang tungod kay dili lamang kini magamit sa linog ang mga natun-an apan magamit usab kini sa bisan unsang matang sa katalagman nga moabot sa tagsa-tagsa ka nga lugar.
