Dili gihapon angay kumpyansaan ang kahimtang sa dakbayan sa iligan niining nagpdayon ang pagsaka sa ihap sa mga nataptan sa Corona Virus Disease o COVID 19.
Kini tungod, posibleng aduna pay 2nd wave sa maong pandemya nga mokalit lang unya ug gawas kun ugaling mamahimong kampante ang katawhan sa Iligan.
Gibutyag ni Inter Agency Task Force on COVID 19 Incident Commander Butch Baulete nga gipangandaman gayud nila karon ang posibleng pagtulbong sa 2nd wave sa COVID 19.
Hinungdan nga bisan paman ug daw sa lu-ag na ang katawhan sa Iligan nga makagawas-gawas dinhi sa syudad pabilin gihapon nga ipatuman ang mga preventive measures aron malikayan gayud ang pagtakod sa makamatay nga balati-an.
Facebook Comments
