Davao City – Andam na ang Public Safety and Security Office (PSSO) alang sa umaabot nga Parada Dabawenyo karong Marso 28, 2026, diin kapin 3,500 ka personnel ang i-deploy aron masiguro ang kalinaw ug kahapsay sa selebrasyon.
Sumala ni PSSO Head Angel Sumagaysay, fully integrated na ang deployment plan ug naka-position na ang mga pwersa sa staging area, parade route, ug sa San Pedro Square.
Gibutyag usab nga padayon ang deployment hangtod sa gabii tungod sa Konsiyerto Dabawenyo, uban sa dugang seguridad alang sa mga bisita ug posibleng high-profile guests. Sakop sa seguridad ang tanang parade routes ug spectator areas aron malikayan ang bisan unsang insidente.
Gihangyo sa PSSO ang publiko nga magpakabana sa “culture of security” pinaagi sa pagmatngon ug pagtuman sa mga patakaran sama sa dili pagsul-ob og jacket, paggamit og laser lights, ug pagdala og hait nga butang panahon sa kalihokan.
RadyoMaN Kareen Beltran
Facebook Comments
