3 arestado, 3 nakapalagyo sa drug den sa Tampakan, South Cotabato.

Arestado ang tatlo ka mga drug personalities sa ginpaigayon ga buy-bust operation sang gintingob nga pwersa sang PDEA South Cotabato Provincial Office, South Cotabato Provincial Drug Enforcement Unit kag Tampakan Municipal Police Station sa Sitio Lapurisima, Brgy. San Isidro, Tampakan, South Cotabato, alas 6:15 sang gab-i sang Oktubre 23, 2021.
Ginkilala ang mga suspek kanday Jonathan Repormado Catiil, 41-anyos, drug den owner kag residente sang nasambit nga lugar, Rocky Luchavez Antonio, 24 -anyos, kag Resin Gulay Rosales, 24-anyos kag pareho residente sang Brgy. Buto, Tampakan.
Samtang nakapalagyo naman ang tatlo pa ka mga suspek nga yara sa drug den nga ginkilala kanday Jonathan Tagupa Cabrera, 18-anyos, Carlo Superficial, 21-anyos, kag Jerick Cebrero Gernaldo, 20-anyos.
Nakuha naman ang 13 ka sachets sang shabu,may kabug-aton nga more or less 10.1 grams kag nagakantidad sang P68,680.00 kag assorted drug paraphernalia.
Kaso naman nga pagbayolar sa Article II, RA 9165 ang ipasaka batok sa mga suspek.

Facebook Comments