3 arestado sa buy-bust

Davao City – Dakpan sa managlahing buy-bust operation ang tulo ka mga tigpayuhot sa iligal nga droga diin unang nadakpan sa Baguio Police Station mao si Allan Salotario, alias “Rick”, 30 anyos, helper mechanic ug nagpuyo sa Christian Village, Aplaya, Digos City, Davao del Sur.

Dakpan usab sa Calinan Police Station ang mag-uuma nga si Jesus Dela Cruz, alias “Jun-Jun”, 36 anyos, nagpuyo sa Brgy.5-A, Talomo River, Calinan, District, Davao City samtang laing drug pusher usab nasikop sa Talomo Police Station nailang usa ka Eduardo Alvarez, hamtong ang edad.

Sumala pa malampusong napalitan sa kapulisan og tulo ka sachet nga gituhoang shabu kambiyo ang buy-bust money nga 1,500.00 pesos ug na-recover usab ang laing lima ka pakete nga shabu nga adunay estimated street market value dol-an 4,000 mil pesos lakip nakumpiska ang mga illegal drugs paraphernalia.


Ang tulo ka mga dinakpan balhug na sa prisuhan ug mag-atubang sa kasong kalapasan sa RA 9165 (Comprehensive Dangerous Drugs Act of 2002).

RadyoMaN Don Pulayao

Facebook Comments