3 arestado, samtang 13 nakapalagyo sa pagpatigayon sang bulang sa banwa sang Surallah.

Arestado ang 3 ka mga persona sa pagpatigayon sang iligal nga bulang sa Sitio Upper Talahik, Brgy Talahik, Surallah, South Cotabato, alas 2:00 kahapon sang hapon.
Samtang ang 13 nga nakilal-an na ang nakapalagyo sang nag-abot ang mga otoridad sa lugar.
Nakabaton sang report ang Surallah MPS halin sa concerned citizen nga may-yara sang nagapatigayon sang illegal cockfighting sa lugar rason nga ginpatigayon ang operasyon.
Nakuha naman sa lugar ang duha ka inugbulang nga manok, 11 ka motorsiklo kag kwarta nga nagakantidad sang P2,000.00 pesos.