Davao City – Gipaningkamotan karon sa mga Barangay Official sa Brgy.76-A nga mapa-imbestigahan ug maila ang mga suspek nga milatigo ug nagpusil sa tulo ka batan-on lalaki gamit ang air soft gun nahitabo niadtong milabay’ng gabii sa Busna Kasilak sa nasangpit nga lugar.
Mga biktima mao sila Alyas Kevin, 22 anyos, Alyas Dong, 34 anyos ug alyas Jay, 23 anyos nga parehong residente sa Brgy37-D ning dakbayan.
Giawhag ni Brgy.76-A Kapitan Rolando Trajera ang mga biktima nga muadto sa barangay hall para maimbestigahan ug matunol ang insaktong impormasyon labot sa identification sa mga suspek.
Nagtuo si Kapitan Trajera nga kining sunod-sunod nga nagapanghitabo sa iyang barangay basin usa lamang kini ka pamaagi aron dauton ang iyang barangay apan gipasalig sa Kapitan nga ilang paningkamotan nga madakpan ug maila ang mga suspek kansa responsable nga midagmal sa tulo ka biktima.
RadyoMaN Don Pulayao
