Davao City – Kasong paglapas sa Republic Act 10883 o New Anti-Carnapping Act of 2016 ang atubangon sa tulo ka mga indibidwal nga suspect sa pagpangawat og motor sa Barangay Alejal, Carmen, Davao del Norte niadtong Lunes, November 6, 2023.
Sa interview sa DXDC RMN Davao sa Carmen Municipal Police Station (MPS), usa ka alyas Ben ang nagpatabang sa kapulisan human nga gikawat ang iyahang motor (Honda XRM) sa tulo ka mga wala mailhing lalaki’ng suspetsado.
Girespondehan usab dayon sa Carmen MPS ang insidente ug didto naapsan ang mga suspect. Duha ka nila ang gilayong naaresto ug ang usa nakadagan pa ug misulay pa og pusil sa migukod nga pulis, hinungdan nga siya ang napusilan nga naigo sa iyang tiyan. Dali usab siya nga gidala sa Davao Regional Medical Center (DRMC) sa Tagum City, Davao del Norte.
Gawas sa Carnapping, kasong paglapas sa Comprehensive Firearms and Ammunition Regulations Act kon RA 10591 ang atubangon sa nahisgutan.
RadyoMaN Kirby Manzon
Facebook Comments
