General Santos City—Tulo ka mga personahe ang nadakpan atol sa gilusad nga Search Warrant operation sa Police station 3 ug sa PDEA-12 sa Tindalo Street ug Balite Street, Barangay Lagao, Gensan alas 4:00 ang takna sa kabuntagon.
Mga suspek giilang silang si Dennis Luzon, legal age nga taga Tindalo Street; Romeo De Costa, 39, driver ug residenti sa Balite Street, Barangay Lagao ug Wendell Dumantay, legal age,residenti sa Balite Street kansa gikaingong High value Target sa PDEA-12.
Nakuhaan ug duha ka sachet sa gikatahapang shabu ang balay ni Luzon samtang 3 ka sachet sa gituohang shabu ang nakuha sa balay ni De Costa samtang sa balay ni Dumantay nakuha ang pipila ka sachet sa gituohang shabu.
Kasong kalapasan sa RA 9165 ang takdang atubangon sa mga suspetsado.
